ගෝන කොවිලේ රාජා නැමති රත්මලානේ හෝටලයකට පහරදීමක් සම්බන්ධයෙන් වන ප්‍රධාන සැකකරුවෙකු මිනුවන්ගොඩ පොලීසිය හා පැවැති වෙඩි හුවමාරුවකදී මිය ගිය බව මාධ්‍ය වාර්තා කර තිබුණි. මෙය නඩු විභාගයකින් තොරව මිනිසුන් මහ මග ඝාතනය කිරීමේ සංස්කෘතියක දෙවැනි නැගිටීමක් (ආයුධ පෙන්නන්නට යාම 2) යැයි කීමට තවමත් කල් වැඩිය. මෙවැනි එක සිද්ධියක් එවන් නිගමනයකට ඒමට කිසිසේත් ප්‍රමාණවත් නැත.
නමුත් මෙය නිසැකවම ආයුධ පෙන්නන්නට යාම 2 ලෙස ගත් ඇතැම් පිරිස් එයින් උද්දාමයට පත්වී මත පලකරන ආකාරය මම ජුගුප්සාවෙන් බලා සිටියෙමි. ඒ අතර උගත් යැයි සම්මත අයද වීම ශ්‍රී ලංකාවේ අධ්‍යාපන ක්‍රමය බිහිකරන උගතුන්ගේ ආකල්පමය දුප්පත්කමේ මනා පිළිබිඹුවකි.
මෙය ආයුධ පෙන්නන්නට යාම 2 වුවද නැතද එයින් උද්දාමයට පත් අයට අපේ නිමොලර් නමින් ප්‍රසිද්ධියට පත් දේවගැති මාර්ටින් නිමොලර්ගේ පහත පද පෙළ නැවත මතක් කරන්නට කැමැත්තෙමි:-
එදා නට්සිවාදීන් මුලින්ම පැමිණියේ යුදෙව්වන් සොයාය
මම යුදෙව්වෙකු නොවේ
එබැවින් මම නිහඩව සිටියෙමි
ඉන්පසු ඔවුන් කොමියුනිස්ට්වාදීන් ඝාතනය කළහ
මම කොමියුනිස්ට්වාදියෙකු නොවේ
එබැවින් මම නිහඩව සිටියෙමි
ඉන්පසු ඔවුන් පැමිණියේ වෘත්තීය සමිති නායකයන් සොයාය
මම නිහඩව සිටියෙමි
මම වෘත්තීය සමිතියට බැදී නැත
ඉන්පසු ඔවුන් කතෝලිකයන් ඝාතනය කළහ
මම නිහඩව සිටියෙමි
මන්ද මම ප්‍රොතෙස්තන්ත ආගමේ නොවැ
ඊළගට ඔවුන් මා සොයා පැමිණියහ
එවිට මා වෙනුවෙන් කතා කිරීමට
කිසිවෙකු ඉතිරිව සිටියේ නැත
No comments:
Post a Comment