(2018 ජනවාරි 19 වැනි දිනැති පොස්ටුවකි)
මෙම අපූරු සිතුවම මට දක්නට ලැබුණේ ශ්රී ලංකා පාර්ලිමේන්තු සංකීර්ණයේ විශේෂ අමුත්තන්ගේ භෝජනාගාරයේ දීය. එය දුටු වහාම මට සිනහ පහළ විය. රටේ උත්තරීතරම ආයතනයේ මෙවැනි සිතුවමක් තිබීම එක්තරා ආකාරයට දෛවයේ සරදමක්දැයි මට සිතුනි.
මා එසේ කියන්නේ ඇයි?
ශ්රී ලංකාවේ කාරණා කටයුතු සිදුවෙන උතුරු දකුණ මාරු වූ ඔල්මොරොන්දං ස්වභාවය මෙම චිත්රය මගින් මැනවින් නිරෑපණය කර තිබේ.
ඔබ මේ සිතුවම දෙස හොඳින් බැලුවහොත් මෙහි දියපහරක් දක්නට ලැබෙන බවත්, එම දිය පහර ඉහළ අලි නාවන අයුරුත්, ඊට පහළින් මිනිසුන් දියනාන අයුරුත් දක්නට ලැබෙනු ඇත. ශ්රී ලංකාවේ කාරණා කටයුතු සැමදා සිදුවූයේද සිදුවෙමින් පවතින්නේද අප මොනවා කතා කළත් ඉදිරියට සිදුවන්නේද, මුලින් කළ යුතු දේ අන්තිමටද අන්තිමට කළ යුතුදේ මුලින්ද වශයෙන් අන්තිම අංජබජල් ආකාරයටය. මෙය නිවැරදි කිරීමෙන් තොරව සියල්ලට තාවකාලික පැලැස්තර අලවමින් යන ගමන තුල සියලු දේ මහා අවුල් ජංජාලයක් බවට පත්වීම පුදුමයට කාරණයක් නොවන්නේමය.
No comments:
Post a Comment